ياااااااااااه اخيراااا(من مذكراتي)

ياااه اخيرااالحمد لله من حوالي 24 ساعه بس سلمت مشروع الجافا
الحمد لله ادرت اثبت لنفسي و لاصحابي اني اقدر حاجه متميزه لوحدي
واني مش مجرد حد بيعتمد علي اصحابه في الجروب......ء
ودخلت وبصراحه مكنتش متفائل اوي للويب سايت الي عاملته
بس لما سلمته حسيت بجد اني عملت حاجه لما بصيت علي المشاريع التانيه
وظروف التسليم الي مكنتش متوقعها
وممكن يكون من احسن 4 مشاريع ان شاء الله


........
الغريب في الموضوع بقي

اني كنت مستغرب اوي من يوم التسليم ده كان يووووووم عجيب من اوله لاخره
عجيب
الموقف الاول
كالعاده مطبق يومين قبل التسليم بفنش المشروع وبظبت البرسينتيشن وقولت لازم اسلمه قبل مانام علشان
ماتروحش عليا نومه زي كل مره
لكن تقووول ايه بقي ع الساعه 5 قولت خلاص لازم انام ساعتين مش ح هيحصل حاجه يعني دول ساعتين
وربنا يسهل الصبح.....
وظبط حوالي كل المنبهات الي في بيتنا ونمت

الكارثه
لا ليا ولا عليا سمعت صوت هاجس غرررررررررريب وانا نايم بيقول
" انت لازم تعيد التدرب السنه الجايه"
والصوت عمال بيتكرر وبيقرب كانه حد جي من بعيد
"انت لازم تعيد التدريب السنه الجايه"
الصوت ده حاسس اني سمعته قبل كده
مين مين مين
هو ده.... الصوت دا انا عرفه د/____
مش لازم اقول اسمه نظراا " لظرف سياسيه"
قولت معقوله ورايا ورايا وانا حتي نايم......... دا حرااااااااااااااااام
بس هو بجد دكتر عزيز علي جدااا جداا جداا يعني
وانتم اكيد واخدين بالكم من جدااا جداا
المهم ..صحيت من النوم لقيت جانبي خناقه شغاله" المنبهات"
جريت بسرعه علي الساعه بصيت عليها لقيت الساعه 10.5
صباحا ..قولت الحمد لله ما عداش كتير لبست اي حاجه في اي حاجه
و كالعاده وصلت متاخررر

الموقف التاني
وده اغرب ....
وده بقي في الكليه قاعد في المعمل في امان الله
قولت لازم اراجع شويه البرسينتيشن
وفتحت الفلاشه
المفجاه التانيه
بصيت ما لقيتش اي حاجه وسا عتها كانت الساعه 2 ظهراا
قولت يا خبر ابيض
هسلمك يعني هسلمك ورحمه ستي لاح سلمك
اكيد المشروع ده اتحسد ازاي مش عارف مع ان محدش شافه غيري
جريت باردوا ك العاده
مش عارف موضوع الجري ده اتكرر كتير اوي في الرساله
واستاذنت من د/ كوريم
نصف ساعه وركبت في اول تاكسي شوفته وطياره علي البيت
والحمد لله لما رجعت كانت لسا الساعه3 يعني كان فاضل ساعه واحد ه بس علي النهايه
وسلمت المشروع العجيب ده

وده كان يوم من الايام الي مش هنساها في حياتي

بس في اخر اليوم لما خلصت تسليم شوفت
حد كده كنت حابب اني اشوفه
ودي كانت احسن مفاجاه في اليوم
بس خلاص كفايه اوي عليكم كده مش لازم تعرفوا كل حاجه...




وبكده نكون وصلنا للنهايه.......ء
يا ريت ماكنش صدعتكم معايه
بس مدونتي بقي انا حرررر