انهارده حصلي موقف محرج جداا
طالع من الجامعه عادي زي اي يوم قابلني وااحد شكلو محترم وبن ناس
وليقتو مره واحد وقفني في نص الشارع
وبيقولي " هابا هابا "
وعمال بيعمل اشارات غريبه كدا
وطبعا بما اني مواطن محترم لسا عندي اخلاق الثوره
وزيي زي تمانين مليون مواطن بيمرو بالموقف دا قولتلو
"ربنا يحنن"
بعدها ليقيت وشو احمر مره واحده ولسا مصر علي
نفس الاشارات الغريبه دي
وانا ثابت علي موقفي
مش بخل ابداا ..بصرااحه مكنش معايا فكه خالص في اليوم دا
ياعم يهديك يرضيك مفيش فايدهباردو
طب ياعم "هابا هابا مفيش فلووس "
باردو مفيش فايده
بعدها بشويه في لحظت صمت بيني وبين نفسي استنتجت ان الرااجل دا مش شحات
وركزت مع الحركات الي بيعملها
اكتشفت انو بيسال علي مكان وفهمت سر الاصرار الي عندو دا
طب ايه هوو المكان ..الله اعلم
دخلت معاه في الحوار تاني لدرجه ان الناس الي كانت ماشيه
حبت اوي الموضوع ووقفت تتفرج
المهم حسستو اني فاهم
وقعدت احاول معاه اني اعرف المكان الي بيسال عليييييه
معرفتش باردو
بصرااحه ادياقت اوي من نفسي ومهنش عليا اسيبو
غير لما اعرفه المكان الي عايزو وخصوصا بعد الموقف الزباله الي حصل داا
بعد تدقيق وتفحصيص واستخدام الحاسه السادته والسابعه
اتوصلت لحل
.
.
" ورقه وقلم"
عطيتو قلم وكشكول المحاضرات وقلتلو " او فهمتو "
اكتب الي نفسك فيه
كتبلي
"الاقي فين مستشفي الجامعه يابش مهندس "
بش مهندس..احم احم ربنا يكرمك
وبعدها وصفتلو المكان والحمد لله وصل بالسلامه
روحت اليووم دا قرفان من نفسي ومن الموقف التيت الي حصل دا
وقررت اني اتعلم لغه الاشاره
ايوووووون لغه الاشاره .. عادي جدا ماحنا اتعلمنا حاجات تخلي الاخرص ينطق
جات يعني علي لغه الاشاره
بعد سيرش سريع علي جوجل اكتشفت انها اسهل مايمكن
ممكن اي حد يتعلمها في اقل من ساعه
عشان ماطولش عليكو جبتلكو المفيد
لغه الاشاره عموما بتنقسم لجزيئين اللغه الهجائيه واللغه الوصفيه
الاتنين بيكملو بعض
اللغه الهجائيه دي صعبه شويه .. خاصه باحرف اللغه العربيه الف باء تاء ...ياء وهكذا كل حرف ليه حركه معينه بالايد اليمين مثلا
الالف "عارفين لما تيجي تشاور لواحد بايدك عشان تقولو كدا اوكي " هي دي بالضبط
طب ايشمعني الصباع التخين دا لانو اول صباع في الايد
الباء .. هترفع السبابه بس هتلاقيه تاني صباع من علي اليمين وانت باصص لكفه ايدك :D
طب ايشمعني عشان الباء فيها نقطه واحده
التاء .. هيبقي صبعين السبابه والوسطي
السبب ..عشان التاء فيها نقطتين
وهكذااااا
اجمل حاجه في اللغه دي انك تعرف سبب حركه كل حرف عشان تتعلمو بسرعه
كل اشاره في اللغه الهجائيه بيبيقي ليها سبب لوفهمتها هتحفظهم بسهوله
اللغه الوصفيه
دي اسهل بكتيرررررررر من الهجائيه
ومفيش حد فينا مبيستخدمهاش
عشان تفهموها بسرعه تعالو نسترجع ايام ابتدائي ونتخيل نفسنا قاعدين في فصل والمدرس بيضرب اي حد بيتكلم :D
واول مالمدرس لفت وشه للصبوره عايزتقول لصاحبك
"المدرس دا خنيق "
بالاشاره طبعا
هي دي اللغه الوصفيه
مثال تاني لو مثلا عايز اتعرف علي حد اول مره اقابه واقلو اسمك ايه
بشاور عليه "كاني هضرب واحد بمسدس " معناها " انت "
واحرك ايدي ناحيه جيب القميص الي علي الشمال فوق عند القلب بالضبط
دا غالبا بيبقي مكان "الاي دي" والاسم بتاع اي عامل او اي موظف في شركه
ودي معناها "اسمك "
طب السؤال هيعرفه ازاي ؟؟
هعمل علامه استفهام في الهوا
ومننساش النقطه :D
شوفتو الموضوع سهل ازاي
معلش طولت عليكم .. دي بس كانت مجرد مقدمه للي حابب يتعلم الموضوع
وصدقوني مش هتندمو انكم بداتو فيه او علي الاقل لما يقابلكم واحد ابكم في الشارع ..تعرف تتفاهمو معاه وماتعملووش زيي
طالع من الجامعه عادي زي اي يوم قابلني وااحد شكلو محترم وبن ناس
وليقتو مره واحد وقفني في نص الشارع
وبيقولي " هابا هابا "
وعمال بيعمل اشارات غريبه كدا
وطبعا بما اني مواطن محترم لسا عندي اخلاق الثوره
وزيي زي تمانين مليون مواطن بيمرو بالموقف دا قولتلو
"ربنا يحنن"
بعدها ليقيت وشو احمر مره واحده ولسا مصر علي
نفس الاشارات الغريبه دي
وانا ثابت علي موقفي
مش بخل ابداا ..بصرااحه مكنش معايا فكه خالص في اليوم دا
ياعم يهديك يرضيك مفيش فايدهباردو
طب ياعم "هابا هابا مفيش فلووس "
باردو مفيش فايده
بعدها بشويه في لحظت صمت بيني وبين نفسي استنتجت ان الرااجل دا مش شحات
وركزت مع الحركات الي بيعملها
اكتشفت انو بيسال علي مكان وفهمت سر الاصرار الي عندو دا
طب ايه هوو المكان ..الله اعلم
دخلت معاه في الحوار تاني لدرجه ان الناس الي كانت ماشيه
حبت اوي الموضوع ووقفت تتفرج
المهم حسستو اني فاهم
وقعدت احاول معاه اني اعرف المكان الي بيسال عليييييه
معرفتش باردو
بصرااحه ادياقت اوي من نفسي ومهنش عليا اسيبو
غير لما اعرفه المكان الي عايزو وخصوصا بعد الموقف الزباله الي حصل داا
بعد تدقيق وتفحصيص واستخدام الحاسه السادته والسابعه
اتوصلت لحل
.
.
" ورقه وقلم"
عطيتو قلم وكشكول المحاضرات وقلتلو " او فهمتو "
اكتب الي نفسك فيه
كتبلي
"الاقي فين مستشفي الجامعه يابش مهندس "
بش مهندس..احم احم ربنا يكرمك
وبعدها وصفتلو المكان والحمد لله وصل بالسلامه
روحت اليووم دا قرفان من نفسي ومن الموقف التيت الي حصل دا
وقررت اني اتعلم لغه الاشاره
ايوووووون لغه الاشاره .. عادي جدا ماحنا اتعلمنا حاجات تخلي الاخرص ينطق
جات يعني علي لغه الاشاره
بعد سيرش سريع علي جوجل اكتشفت انها اسهل مايمكن
ممكن اي حد يتعلمها في اقل من ساعه
عشان ماطولش عليكو جبتلكو المفيد
لغه الاشاره عموما بتنقسم لجزيئين اللغه الهجائيه واللغه الوصفيه
الاتنين بيكملو بعض
اللغه الهجائيه دي صعبه شويه .. خاصه باحرف اللغه العربيه الف باء تاء ...ياء وهكذا كل حرف ليه حركه معينه بالايد اليمين مثلا
الالف "عارفين لما تيجي تشاور لواحد بايدك عشان تقولو كدا اوكي " هي دي بالضبط
طب ايشمعني الصباع التخين دا لانو اول صباع في الايد
الباء .. هترفع السبابه بس هتلاقيه تاني صباع من علي اليمين وانت باصص لكفه ايدك :D
طب ايشمعني عشان الباء فيها نقطه واحده
التاء .. هيبقي صبعين السبابه والوسطي
السبب ..عشان التاء فيها نقطتين
وهكذااااا
اجمل حاجه في اللغه دي انك تعرف سبب حركه كل حرف عشان تتعلمو بسرعه
كل اشاره في اللغه الهجائيه بيبيقي ليها سبب لوفهمتها هتحفظهم بسهوله
اللغه الوصفيه
دي اسهل بكتيرررررررر من الهجائيه
ومفيش حد فينا مبيستخدمهاش
عشان تفهموها بسرعه تعالو نسترجع ايام ابتدائي ونتخيل نفسنا قاعدين في فصل والمدرس بيضرب اي حد بيتكلم :D
واول مالمدرس لفت وشه للصبوره عايزتقول لصاحبك
"المدرس دا خنيق "
بالاشاره طبعا
هي دي اللغه الوصفيه
مثال تاني لو مثلا عايز اتعرف علي حد اول مره اقابه واقلو اسمك ايه
بشاور عليه "كاني هضرب واحد بمسدس " معناها " انت "
واحرك ايدي ناحيه جيب القميص الي علي الشمال فوق عند القلب بالضبط
دا غالبا بيبقي مكان "الاي دي" والاسم بتاع اي عامل او اي موظف في شركه
ودي معناها "اسمك "
طب السؤال هيعرفه ازاي ؟؟
هعمل علامه استفهام في الهوا
ومننساش النقطه :D
شوفتو الموضوع سهل ازاي
معلش طولت عليكم .. دي بس كانت مجرد مقدمه للي حابب يتعلم الموضوع
وصدقوني مش هتندمو انكم بداتو فيه او علي الاقل لما يقابلكم واحد ابكم في الشارع ..تعرف تتفاهمو معاه وماتعملووش زيي
